کارگەکانی دانەوێڵە لە سەرجەم پارێزگاکان دەستیان کردووە بە بەرهەمهێنان و دابەشكردنی پشکی نۆیەمی ئاردی ئەمساڵ، هاوکات یەکەکانی سەرپەرشتی و کوالیتی سەرپەرشتی کاری ئاشەكان و پشکنین و ئامادەکردنی ئاردەکە دەکەن.
خالد نەداوی، بەڕێوەبەری گشتی کۆمپانیای دروستكراوی دانەوێڵە لە وەزارەتی بازرگانی ئاماژە بە بەرزبوونەوەی خێرای بەرهەمهێنان لە سەرتاسەری پارێزگاکان کرد بۆ ئامادەکردنی ئارد و دابەشكردنی بەسەر بریکاران لە ماوەی دیاریکراودا.
ڕاشیگەیاند، لقەکانی کۆمپانیاکە لە هەولێر، دیالە، کەربەلا، دیوانیە و زیقار ئامادەیی مەیدانییان لە جومگەکانی چالاکییەکانی بەدەستهێناوە، بەو پێیەی لیژنەکانی سەرپەرشتیاری لە واست و موسەننا سەرپەرشتی بەرهەمهێنانی ئارد دەكەن لەو ئاشانەی بە دانەوێڵە کاردەکەن.
ئاشكراشی كردووە، لیژنەکانی کوالیتی بەدواداچوون بۆ کاری ئاشەكان و بریکارەکانی ئارد لە بەسرە و میسان دەکەن، سەرپەرشتی دابەشکردنی ئارد دەکەن و پشکنین ئەنجام دەدەن بۆ کوالیتی و پشکنینی نانەواخانەکە لە تاقیگەکانی کۆنتڕۆڵکردنی کوالێتی.
ڕوونیشی كردۆتەوە، لقی کەرکوک پشکنینی تاقیگەیی بۆ نانەواخانەکان ئەنجامدا بە سەرپەرشتی یەکەی کۆنتڕۆڵکردنی لقەکە.
بەپێی بڕیاری وەزارەتی بازرگانی عێراق، هەر هاووڵاتییەك مانگانە بڕی 9 كیلۆ ئاردی پێ دەدرێت، بەڵام ماوەی سێ ساڵە لە كۆی ساڵەكەدا تەنها 10 بەشە ئارد دابەشكراوە.
