حکومەتی عێراق دەستگیرکردنی ژمارەیەک لەو کەسانەی کە دەستیان هەبووە لە هێرشەکەی هەفتەی ڕابردوو بۆ سەر باڵیۆزخانەی ئەمریکا ڕاگەیاند و ئاشکرای کرد کە بەشێک لە هێرشبەرەکان پەیوەندییان بە هێزە ئەمنییەکانەوە هەیە،
جەنەڕاڵ یەحیا ڕەسووڵ، وتەبێژی سەرۆکوەزیرانی عێراق لە بەیاننامەیەکدا ڕایگەیاندووە، “هێزە ئەمنییەکانمان توانیان، دوای هەوڵی چڕ و پڕی تەکنیکی و هەواڵگری، ناسنامەی تاوانباران دەستنیشان بکەن”، لە کاتێکدا “زانیارییە سەرەتاییەکان دەریانخستووە کە بەشێکیان ، بەداخەوە بەستراوەتەوە بە هەندێک لە دەزگا ئەمنییەکانەوە”.
یەحیا ڕەسووڵ ئاماژەی بەوەشکرد، 13 که س بە تۆمەتی ئەنجامدانی هێرشەکان و پاڵپستیکردنی ئەو کەسانە دەستگیرکراون، کە بەداخەوە هەندێکیان لەنێو هێزە ئەمنی و هیزە چەکدارییەکانن، هەوڵەکانی دەزگای هەوالگری سەرکەوتوبوون لە دۆزینەوەی ئەنجامدەران و ئەوانەشی هاوکاریی لۆجستییان کردوون.
باڵیۆزخانەی ئەمریکا لە بەغدا لە بەرەبەیانی ٨ی کانوونی دووەمدا بە چەند مووشەکێک هێرشی کرایە سەر ، هێرشەکان زیانی گیانییان لێ نەکەوتەوە، بەڵام حکومەتی ئەمریکا نیگەرانی خۆی دەربڕی و داوای لە حکومەتی عێراق کرد تاوانباران بدۆزنەوە و ڕێگری بکەن لە پەرەسەندنی ئەو هێرشانە.
ئەمە یەکەم هێرشە بۆ سەر باڵیۆزخانەکە لە بەغدا، هێرشەکانی سەر هێزەکانی ئەمریکا لە عێراق و سوریا، لە پاشخانی شەڕی ئیسرائیل و بزووتنەوەی حەماسی فەلەستینیدا سەریان هەڵداوە، ئەمەش لەپای ئەو پشتیوانییە لۆجستی و مەعنەوەییەیە کە ئەمریکا بۆ ئیسرائیلی دەربریوە.
