لە ماوەی مانگی ڕابردوودا زیاتر لە 194 هەزار گەشتیار لە ڕێی فڕۆکەکانی هێڵی ئاسمانی عێراقەوە گەشتیان کردووە.
ئەمڕۆ سێشەممە، وەزارەتی گواستنەوەی عێراق ڕایگەیاند، مانگی تشرینی دووەمی ڕابردوو هەزار و 349 گەشتی ڕاستەوخۆیان بۆ ناوخۆ و دەرەوەی عێراق ئەنجامداوە.
ڕوونیشیکردەوە کە 194 هەزار و 55 گەشتیار لە ڕێی فڕۆکەکانی هێڵی ئاسمانی عێراقەوە گەشتیان کردووە.
لای خۆشیەوە مەناف عبدولمونعیم، بەڕێوەبەری گشتی هێڵی ئاسمانی عێراق ڕایگەیاند، دەتوانن لە قۆناغی داهاتوودا لە ڕێی ڕکابەرییکردنی نرخ و زیاکردنی شوێنی گەشتەکانیانەوە، ژمارەی گەشتیاران زیاتر بکەن.
