لە شارێکی کوردستان دەست بەسەر زیاتر لە 161 کیلۆگرام ماددەی هۆشبەردا گیرا و چوار کەسیش بە تۆمەتی بازرگانیکردن بە ماددەکان دەستگیرکران.
ئەمڕۆ دووشەممە، یەکەی بەرەنگاربوونەوەی ماددەی هۆشبەر سەر بە پۆلیسی پارێزگای وانی باکووری کوردستان ڕایگەیاند، لە ماوەی یەك هەفتەدا دەستیان بەسەر 161 کیلۆ و 500 گرام ماددەی هۆشبەردا گرتووە.
ڕوونیشیکردەوە، زۆربەی ماددە دەستبەسەرداگیراوەکان هێرۆین بووە کە بڕەکەی 128 کیلۆ و 500 گرام بووە.
ئەوەشی خستەڕوو کە چوار کەس بە تۆمەتی بازرگانیکردن بە ماددە هۆشبەرەکان دەستگیرکراون.
