بەڕێوەبەرایەتی پۆلیسی دارستان و ژینگەی پارێزگای سلێمانی ڕایگەیاند، لە سنوری مێرگەپان چوار ڕاوچی دەستگیرکراون.
ئەمڕۆ یەکشەممە، پۆلیسی دارستان و ژینگەی سلێمانی ڕایگەیاند، مەفرەزەیەکی بنکەی پۆلیسی دارستانی مێرگەپان بە هاوکاری ئاسایشی سورداش لە سنوری گوندی سێکانیان چوار ڕاوچیان دەستگیرکرد کە سەرقاڵی ڕاوکردن بوون.
ئاماژەی بەوەشکرد، دەستگیرا بەسەر کەلوپەل و پێداویستیەکانیاندا کە بریتی بوون لە ٢ چەکی جۆری تاپڕ و ١٩ فیشەکی تاپڕ، لەگەڵ ٢ لایتی دەستی و ئۆتۆمبیلێک.
