مامۆستایانی ناڕازی لە هەڵەبجە رایدەگەیەنن، سبەینێ یەکشەممە لە دادگای شارەکە بە تۆمەتی ناوزڕاندنیان سکاڵای یاسایی لەسەر سەرۆکی یەکێتی مامۆستایان تۆماردەکەن.
لە راگەیەندراوێکدا مامۆستایانی ناڕازی هەڵەبجە دەڵێن:” دوای ئەوەی کە ڕێگریمان لێکرا بچینە بەغدا، سەرۆکی یەکێتی مامۆستایانی ماوەبەسەرچوو هەندێ تۆمەتی بۆ هەڵبەستووین و تەشهیری پێکردووین، سبەینێ یەکشەممە ۱۰ / ١٢ / ٢٠٢٣ کاتژمێر ١٠:٠٠ی لەدادگای هەڵەبجە سکاڵای یاسایی لەسەر تۆماردەکەین”.
مامۆستایانی ناڕازی دەشڵێن:” ھەرلەبەردەم دادگای ھەڵەبجە گردبوونەوەیەك سازدەكەین و لە کۆنگرەیەکی ڕۆژنامەوانیدا ڕای خۆمان ئەخەینە ڕوو سەبارەت بە ئەو پرسە و دووپاتکردنەوەی بایکۆت و بەردەوامی ناڕەزایەتییەکان”
