لێدوانە كۆنەكانی كیلیان مپاپێ ئەستێرەی فەرەنسا لەبارەی تۆپی پێی ئەمریكای باشوور، مشتومڕی لێدەكەوێتەوە بەر لە یاریی كۆتایی نێوان هەردوو هەڵبژاردەی فەرەنسا و ئەرجەنتین لە یاریی كۆتایی مۆندیالی قەتەر 2022.
دیمانەیەكی هێرشبەرە فەرەنساییەكە كە لە ئایاری ڕابردوو لەگەڵیدا ئەنجامدرابوو، سەرلەنوێ بڵاوكرایەوە و تێیدا باسی لە پاڵێوراوەكان كردبوو بۆ بردنەوەی جامی جیهانی 2022.
لەو دەمەدا مپاپێ لەبارەی پاڵیوراوی بەدەستهێنانی ناسناوەكە ڕایگەیاندبوو:”فەرەنسا.. لەوبڕوایەشدام بەرازیلیش پاڵێوراوە كە هەڵبژاردەیەكی باشە، زۆرێك لە هەڵبژاردە ئەوروپاییەكانیش پاڵیوراون”.
كيلیان مپاپێ ڕایگەیاندبوو”هەڵبژاردە ئەوروپاییەكان كاتێك دەگەنە یاریی كۆتایی ئاستێكی بەرزییان دەبێت و ئامادە دەبن، ئەرجەنیتن و بەرازیل وانیین، چونكە تۆپی پێیی ئەمریكای باشوور پێشكەوتوو نییە، وەك ئەوروپا، بۆیە ئەورپاییەكان بەردەوام لە دوایین پاڵەوانێتییەكانی جامی جیهانیدا براوەبوون”.
