کەشناسی ڕایگەیاند پلەی گەرما بەرزدەبێتەوە و ئەو ناوچانەشی دەستنیشان کرد کە پێشبینی دەکرێت نمەباران بیگرێتەوە.
بەشی پێشبینی لە وەزارەتی گواستنەوە و گەیاندنی هەرێمی کوردستان ڕایگەیاند، ئەمڕۆ پینجشەممە، ئاسمان نیمچە هەور و لە ناوچە شاخاوییەکانیش هەورى تەواو دەبێت.
ئەوەشی خستەڕوو کە لە سنوورى پارێزگاى دهۆک ئەگەری نمەبارانی کەم هەیە لەسەر بەشێک لە ناوچە شاخاوییەکان.
سەبارەت بە سبەینێ هەینیش ڕایگەیاند، ئاسمان نیمچە هەور دەبێت بەگشتی و پلەی گەرماش 1-2 پلە بە بەراورد لەگەڵ ئەمڕۆ، بەرز دەبێتەوە.
بەرزترین پلەکانی گەرمای پێشبینیکراو بە پلەی سیلیزی:
هەولێر : 22 پلەى سیلیزى
سلێمانی : 22 پلەى سیلیزى
دهۆک : 20 پلەى سیلیزى
کەرکووک : 23 پلەى سیلیزى
هەڵەبجە : 21 پلەى سیلیزى
زاخۆ : 20 پلەى سیلیزى
گەرمیان : 25 پلەى سیلیزى
حاج ئۆمەران: 14 پلەى سیلیزى
سۆران : 19 پلەى سیلیزى
