ئەمڕۆ چوارشەممە، نرخی زێڕ لە بازاڕەكانی جیهان گۆڕانكاری نوێی به‌خۆوه بینی و نرخی ئۆنسەیەک زێر دوای ئه‌وه‌ی دوێنێ دابه‌زینی تۆماركرد، ئه‌مڕۆ جارێكی دیكه به‌رزبۆوه و گه‌یشته دوو هه‌زار و ٢٦ دۆلار.
لە کاتێکدا نرخی زێر دوێنێ دابه‌زینی تۆماركرد و نرخی ئۆنسەیەکی گه‌یشته ٢٠٠٧ دۆلار، بەهۆی گۆڕانکاری لە ڕێژەی سوود لەلایەن بانکی فیدراڵی ئەمریکا هۆکاری بەرزبوونەوەی نرخی زێڕە.
ئەمڕۆ نرخی زێڕ بە ڕێژەی ٪٠.٢ بەرزبووەوە و بە ٢٠٢٦ دۆلار مامەڵەی پێوەدەکرێت، پێشبینی دەکرێت تا مانگی شوباتی ساڵی داهاتوو زیاتر بەرزببێتەوە، بەهۆی ئەوەی خواست لەسەر دراوی وڵاتانی جیهان کەمدەبێتەوە و هاووڵاتییان ڕوو لە کڕینی زێڕ دەکەن.
هاوکات سەبارەت بە کانزا بەنرخەکانی دیکەش، نرخی زیو بە ڕێژەی ٪٠.٥ بەرزبووەوە و گەیشتە ٢٤.٢٤ دۆلار بۆ هەر ئۆنسەیەک، پلاتینیۆمیش بە ڕێژەی ٪٠.١ بەرزبووەتەوە و گەیشتووەتە ٩٠٠.٣١ دۆلار.
پالادیۆم ، لە نزیک نزمترین ئاستی لە ماوەی پێنج ساڵدا نرخەکەی بە ڕێژەی ٪٠.٦بەرزبووەوە و گەیشتە ٩٤٠.١٤ سەنت بۆ هەر ئۆنسەیەک.
نرخی زێڕ لە بازاڕەکانی هەرێمی کوردستان بەم شێوەیە:
مسقاڵێک زێڕی عەیار ٢١ بە ٤٥٥ هەزار دینارە
مسقاڵێک زێڕی عەیار ١٨ بە ٣٩٠ هەزار دینارە
یەک لیرەش بە ٤٣٥ دۆلار مامەڵەی پێوەدەکرێت.
