لە گەڕەكی عروبەی شاری كەركوك شەڕە تەقە ڕوویداوە و بەهۆیەوە سێ كەس بریندار بوون.
بەپێی وتەی شایەتحاڵان لە كەركوك، ئێوارەی ئەمڕۆ لەگەڕەکی عروبە و لە نزیک خوێندنگەی (الشعب) شەڕە تەقە ڕوویداوە.
بەپێی زانیارییەكان، لەئەنجامدا سێ کەس بەناوەکانی (ئیسماعیل خەلیل ئیبراهیم/تەمەن 27 ساڵ) و (مەروان خەلیل ئیسماعیل/تەمەن 33 ساڵ) و (محەمەد ساڵح ئیبراهیم/تەمەن 26 ساڵ) کەبرا و ئامۆزای یەکترن برینداربوون و برینی دووانیان سەختە.
بەڵام تا ئێستا هۆكاری شەڕەكە ئاشكرانەكراوە و دامەزراوە ئەمنییەكانیش هیچ زانیارییەكیان بڵاونەكردۆتەوە.
