لە بەرامبەر یاریگای شێروانە بەهۆی پێکدادانی ماتۆڕ سکیلێک و ئۆتۆمبێلێک سێ کەس برینداربوون.
بەڕێوەبەرایەتی پۆلیسی گەرمیان لە ڕاگەیەنراوێكدا ئاماژەی بەوەكردووە، سەرلە ئێوارەی ئەمڕۆ کاتژمێر 4:30 خولەک، بەهۆی پێکدادانی ماتۆڕسکیلێک و ئۆتۆمبێلێکی جۆری بی ئێم لە بەرامبەر یاریگای شێروانە سێ کەس بریندار بوون.
ڕاشیگەیاندووە، دووان لە بریندارەکان لێخوڕ و سەرنشینی ماتۆڕ سکیلەکە بوون، بریندارەکەی دیکەش نزیک لە ڕووداوەکە بووە، دوای ئەوەی ماتۆڕەکە وەرگەڕاوە لە هاووڵاتیەکەی داوە.
ئاماژەی بەوەشكردووە، لێخوڕ و سەرنشینی ماتۆڕسکیلەکە لەدایک بووی ساڵی (٢٠٠١ – ٢٠٠٣)ن، هاووڵاتیەکەش لەدایک بووی ساڵی (١٩٧٦)ە.
جەختیشی كردۆتەوە، هەرسێ بریندارەکە گەیەنراونەتە نەخۆشخانە و لێکۆڵینەوە لەڕووداوەکە دەستی پێکردووە.
