وەزارەتی تەندروستی فەلەستین ژمارەی قوربانیانی هێرشەكانی ئیسرائیلی بۆ سەر كەرتی غەززە ڕاگەیاند و ئاشكراشی كرد، 70%ی قوربانییەكان ژن و منداڵن.
وەزارەتی تەندروستی فەلەستین- غەززە لە بەیاننامەیەكدا ئاماژەی بەوەكردووە، ژمارەی شەهیدانی دەستدرێژییەکانی ئیسرائیل گەیشتە 15 هەزار و 207 کەس، هاوكات ژمارەی برینداربووانی مەدەنی بەرزبووەتەوە بۆ 40 هەزار و 652 کەس.
ڕاشیگەیاتدووە، 70%ی قوربانیانی هێرشەكانی ئیسرائیل بۆسەر غەززە، ژن و منداڵن.
ڕوونیشی كردۆتەوە، “280 کارمەندی تەندروستی لە ناوچە جیاجیاکانی کەرتی غەززە شەهید بوون و سوپای ئیسرائیل 130 دەزگای تەندروستی بۆردومان کردووە”.
تەندروستی فەلەستین ئاشكراشی كردووە، زیاتر لە 800 هەزار کەس لە شاری غەززە و باکووری غەززە هەن بەبێ خواردن و دەرمان ماونەتەوە.
