میدیای فەرمی یەکێتی بڵاویکردووەتەوە، سبەینێ شەممە وەفدێکی باڵای یەکێتیی نیشتمانیی کوردستان لە سلێمانی بە سەرۆکایەتی بافڵ جەلال تاڵەبانی لەگەڵ ھەریەک لە بزوتنەوەی گۆڕان و کۆمەڵی دادگەریی و یەکگرتووی ئیسلامی کوردستان کۆدەبێتەوە.
راشیگەیاندووە، وەفدەکەی یەکێتی سەرەتا لەگەڵ بزوتنەوەی گۆڕان کۆدەبێتەوە و دواتر لەگەڵ ھەریەکە لە کۆمەڵی دادگەریی و یەکگرتووی ئیسلامی کۆدەبێتەوە.
میدیای یەکێتی دەشڵێت: ئەندامانی وەفدی یەکێتی پێکدێن لە بافڵ جەلال تاڵەبانی سەرۆکی یەکێتیی نیشتیمانیی کوردستان، عیماد ئەحمەد، دەرباز کۆسرەت رەسوڵ، سەعدی ئەحمەد پیرە و سالار سەرحەد.
