ئێوارەی ئەمڕۆ لە شەقامی فڕۆکەخانەی کەرکوک لە ئەنجامی وەرگەڕانی ئۆتۆمبێلێک 2 کەس گیانیان لەدەستدا.
بە گوێرەی زانیارییەکان، رووداوەکە لە جۆری وەرگەڕان بووە، بە هۆیەوە گەنجێکی تەمەن 25 ساڵان و منداڵێکی ساوا گیانیان لەدەستداوە، هاوکات 12 کەسی دیکەش برینداربوون.
دوا بەدوای گەیشتنی تیمەکانی فریاگوزاری و پۆلیس بریندارەکان گوازرانەوە بۆ نەخۆشخانە و چارەسەری پزیشکی وەردەگرن.
تیژڕەوی یەکیکە لە هۆکارە سەرەکییەکانی ڕووداوەکانی هاتووچۆ، خراپی دۆخی ڕێگاو بان و قەڕەبالغی شەقامەکان، هۆکارێکی تری زۆربوونی ڕووداوەکانی هاتووچۆن، هاوکات بەڕێوەبەرایەتی هاتووچۆ بەردەوام ڕێنمایی هاووڵاتیان دەکات، بە پابەند بوون بە ڕێنماییەکانی هاتووچۆ و کەمکردنەوەی تیژڕەوی لە کاتی شۆفێریکردندا.
