ئەمڕۆ چوارشەممە، شارەزایەکی کەشناسی سەبارەت بە پێشبینییەکانی کەشوهەوا بۆ ڕۆژانی ئایندە ڕایگەیاند، پلەکانی گەرما بەرزدەبێتەوە، هاوکات بارانبارین دەستپێدەکاتەوە و ئەگەری دروستبوونی لافاو هەیە.
ئاراس جەبار، شارەزای کەشناسی ڕایگەیاند، لە ئەنجامی کاریگەری بارستەھەوای سارد لە ماوەی شەوی ڕابردوو و بەرەبەیانی ئەمڕۆ پلەکانی گەرما بە ڕێژەیەکی بەرچاو نزمبوونەوە، لە سەرجەم ناوچە شاخاویەکان بۆ سفر و ژێر سفری سەدی دابەزی.
ئاماژەی بەوەشکرد، کاریگەریەکانی لە ئەمڕۆوە کەمدەبێتەوە و سبەینێ پێنجشەمە ئاسمانی ھەرێم بە زۆری دەگۆرێت بۆ نیمچە ھەور لە ئەنجامی ھاتنی ھەوری بەرز لە دەریای ناوەڕاستەوە، پلەکانی گەرما بەراورد بە ئەمڕۆ ٢ تا ٤ پلە بەرزدەبێتەوە، خێرای با لەسەرخۆ دەبێت.
ئاراس جەبار، ئەوەشی خستەڕوو، لە ئەنجامی کاریگەری دۆخی ناسەقامگیری کەش و ھەوا کاتە جیاوازەکانی سبەی لەناوچە جیاجیاکانی باکوری سعودیە و باشور و باشوری رۆژھەڵاتی عێراق بارانبارین دەستپێدەکاتەوە بە شێوەی چالاکبوونی ھەورە بروسکە، تاوە تەرزە و بارانی بەھێز کە لەھەندێ ناوچەدا ئەگەری دروستبوونی لافاویش دەبێت.
