بەهۆی بارانی بەخوڕی دوو ڕۆژیی ڕابردوو، كە بووە هۆی دروست بوونی لافاو، چەم و ڕووبارەكان بوون بە قوڕاو “شلێو” بەهۆیەوە هەر سێ پڕۆژەكانی ئیفرازی پێدانی ئاوی خواردنەوە بە هاووڵاتیانی هەولێر ڕاگیرا.
ئاری ئەحمه‌د، بەڕێوەبەری گشتی ئاو و ئاوەڕۆی هەرێم ڕایگەیاندووە، لە شەوی ڕابردووەوە بەهۆی بەرزبوونەوەی ڕادەی شێلوبونی ڕووباری زێی گەورە پڕۆژەکانی ئاوی ئیفرا (یەك و دوو و سێ) ڕاگیراون.
ڕاشیگەیاندووە، هیچ كیشەیەك لە خودی پڕۆژەكاندا نیە، بەڵكو بەهۆی شێلوبوونی ئاوەوە پێدانی ئاو ڕاگیراوە و هەر كات شێلوبوونەكە تەواو بێت ئاو بەردەدرێتەوە بۆ گەڕەكەكان.
شاری هەولێر لەڕێگەی هەر سێ پڕۆژەی ئاوی ئیفرازەوە ئاوی خواردنەوە بۆ زۆربەی هاووڵاتیان دابین دەكات و ئەو پڕۆژانەش سەرچاوەكەیان زێی گەورەیە.
