لە ڕووداوێكی هاتووچۆدا لە ڕۆژهەڵاتی كوردستان حەوت کەس گیانیان لەدەستدا و شەش کەسی دیکە برینداربون.
فەرزین ڕەزا زادە، سەرۆکی بەشی فریاکەوتنی نەخۆشخانەی ئازەربایجانی فێرکاری بە میدیا ئێرانییەکانی ڕایگەیاند، بەهۆی ڕووداوێکی هاتووچۆوە لەسەر ڕێگای ورمێ بۆ سلیفانا حەوت کەس گیانیان لەدەستدا و شەش کەسی دیکە برینداربون.
ڕاشیگەیاندووە، لە ڕووداوەکەدا سێ ئۆتۆمبێل لە جۆرەکانی “پیجۆ و سەمەند و براید” لەسەر سێڕیانی راجان لەسەر رێگای ورمێ توشی پێکدادان بوون و بەهۆیەوە حەوت کەس گیانیان لەدەستدا.
ڕوونیشی كردەوە، تیمەکانی فریاکەوتن چوونە شوێنی ڕووداوەکە و چوار ئۆتۆمبێلی فریاکەوتن ڕەوانە کرا و بریندارەکان ڕەوانەی نەخۆشخانەی ورمێ کران، سێ لە بریندارەکانیش لە دۆخێكی مەترسیداردان.
