سوپای ئیسرائیل سێ نەخۆشخانە، كە یەكێكیان تایبەتە بە منداڵان لە كەرتی غەززە بۆردومان دەكات و بەهۆیەوە دەیان كەس كوژران و بریندار بوون.
وتەبێژی وەزارەتی تەندروستی فەڵەستین ڕایگەیاندووە، شەوی رابردوو ئیسرائیل نەخۆشخانەی رەنتیسی منداڵانی بە ئامانج گرتووە و ئاگرێکی گەورە کەوتووەتەوە.
ڕاشیگەیاندووە، لە چەند کاتژمێری داهاتوودا ڕەنگە بگەینە دۆخێک کە خزمەتگوزارییەکانمان بوەستێت.
لای خۆشیەوە، بەرێوەبەری کۆمەڵگای تەندروستی شیفا لە غەززە ڕایگەیاندووە، حەرەمی نەخۆشخانەکەمان بۆردوومان کراوە و 6 کەس کوژراون.
هاوكات، ئەمشەو نەخۆشخانەی ئەندەنوسیا لە غەززە لەلایەن سوپای ئیسرائیلەوە بە چڕی بۆردومان کرا.
ئەو نەخۆشخانەیە لە سەر ئەرکی خێرخوازانی ئەندەونوسیا دروستکراوە و لە رۆژانی رابردوودا سوپای ئیسرائیل بانگەشەی ئەوەی کردبوو، کە نەخۆشخانەکە لە سەر تونێلەکانی چەکدارە فەلەستینیەکان دروستکراوە و لەو شوێنەوە مووشەک هەڵدەدرێت.
بەپێی دواین ئامارەكانی تەندروستی فەلەستین، تا ئێستا زیاتر لە 10 هەزار كەس كوژراون و زیاتر لە 20 هەزار كەس بریندارن.
بۆ بینینی ڤیدیۆكە كلیك لێرە بكە
