حكومەتی هەرێمی كوردستان سوودەكانی پڕۆژەی (هەژماری من) بۆ فەرمانبەران و مووچەخۆران ڕووندەكاتەوە و ڕایدەگەیەنێت، حکومەتی هەرێم چیتر مووچە نابێتە هەواڵی بە پەلە.
فەرمانگەی میدیا و زانیاری حكومەتی هەرێم بڵاویكردۆتەوە، مووچەخۆران بیزانن؛ هەژماری_من دەستەبەری مووچە و ئاسانکارییە لە مامەڵەدا و هەژمارێکە بۆ سەقامگیریی دارایی و سانایی مامەڵەکانت.
ڕوونیشی كردۆتەوە، هەژماری_من پارەکەت دەپارێزێت و مامەڵەكانت ئاسان دەكات و چیتر مووچە نابێتە هەواڵی بە پەلە لە میدیاکان و هاووڵاتیان لەسەرەیا نابن.
جەختیشی كردۆتەوە، بەپێی پڕۆژەی (هەژماری من) بە نامەیەک له مۆبایلەوە فەرمانبەر لە کات و ڕۆژی دابەشکردنی مووچە ئاگادار دەکرێتەوە.
