دەزگای گشتی کاروباری مین ڕایگەیاند، چەند مووشەکێکی پاشماوەی جەنگیان لە سنووری شێخان دۆزییەوە.
ئەمڕۆ پێنجشەممە، دەزگای گشتی کاروباری مین بڵاویکردەوە، ئاسایشی شێخان ئاگاداری کردنەوە لە بوونی چەند تەقەمەنییەکی پاشماوەی جەنگ لە زێلکان.
ڕوونیشیکردەوە کە تیمێکی سەر بە بەڕێوەبەرایەتی گشتی کاروباری مین لە دهۆك چوونەتە شوێنەکە و تەقەمەنییەکانیان بە مەبەستی تەقاندنەوە گواستووەتەوە.
لەو وێنانەی کە دەزگاکە بڵاویکردوونەتەوە مووشەك لە نێو تەقەمەنییەکاندا دەرکەوتووە.
