كۆبوونەوەی مەكتەبی سیاسی یەكێتی و پارتی لە پیرمام كۆتایی هات و ڕاگەیەنراوێكی هاوبەشیان بڵاوكردەوە و جەختیان لە دابین كردنی مووچەی مووچەخۆران كردەوە و ڕێككەوتن كۆبوونەوەكان بەردەوام بن.
یەكێتی و پارتی لە ڕاگەیەنراوەكەیاندا ئاماژەیان بەوەكردووە، بارودۆخی هەرێم و عێراق و ناوچەكە تاوتوێ كراوە و جەخت لە هەماهەنگی نێوان هێزە سیاسییەكان كراوەتەوە بۆ پاراستنی قەوارەی دەستووری هەرێم.
هەر لە ڕاگەیەنراوەكەدا هاتووە، “جەخت لە پاڵپشتی كردنی هەنگاوەكانی حكومەتی هەرێمی كوردستان كرایەوە بۆ دابین كردنی شایستە داراییەكان و مووچەی مووچەخۆرانی هەرێمی كوردستان لە چوارچێوەی دەستووری هەمیشەیی عێراقدا”.
یەكێتی و پارتی بڕیاریشیان دا كۆبوونەوەكان بەردەوامیان هەبێت و دەڵێن: “كۆبوونەوەكە لە كەشێكی ئارام و ئیجابیدا بەڕێوەچووە”.
دەقی بەیاننامەكە:
