بڕیارە ئەمڕۆ شەممە، ئەنتۆنی بلینکن وەزیری دەرەوەی ئەمریکا بگاتە عەممانی پایتەختی ئوردن.
بەپێی ڕاگەیەندراوێکی وەزارەتی دەرەوەی ئوردن، بلینکن لە عەممان لەگەڵ وەزیرانی دەرەوەی ئوردن و سعودیە و میسر و قەتەر و ئیمارات کۆدەبێتەوە.
ئەوەخراوەتەڕوو، تەوەری کۆبوونەوەکەی بلینکن لەگەڵ وەزیرانی دەرەوەی وڵاتە عەرەبییەکان باسکردنە لە هێرشەکانی ئیسرائیل بۆ سەر کەرتی غەززە و هەوڵدەدرێت لەڕیگەی گفتوگۆکانی نێوانیانەوە چارەسەرێک بۆ وەستاندنی هێرشەکانی ئیسرائیل بۆسەر کەرتی غەززە بدۆزنەوە.
هاوکات، بڕیارە باس لە خێراتر کردنی گەیاندنی هاوکاری مرۆیی بۆ هاوڵاتییانی لێقەوماو بکرێت.
