ئەمڕۆ پێنچ شەممە دەستەی کەشناسی عێراق دۆخی کەشو هەوای چەند ڕۆژی داهاتووی بڵاوکردەوە و ئاماژەی بەوەکردووە، پێشبینی بارینی باران دەکرێت و پلەکانی گەرماش نزم دەبنەوە.
دەستەی کەشناسی عێراق بسی لەوەکدرووە، سبەی هەینی ڕەوشی کەش و هەوا لە ناوچەکانی ناوەڕاستی عێراق لە نێوان هەور و نیمجە هەوردا دەبێت و پێشبینی بارینی نمە باران لە کاتژمێرەکانی بەرەبەیاندا دەکرێت، بەڵام لە ناوچەکانی هەرێمی کوردستان ئاسمان هەور دەبێت و نمەباران دەبارێت و هەندێکجار هەورە بروسکەشی لەگەڵ دەبێت، بەڵام لە ناوچەکانی باشور ئاسمان لە نێوان هەورو نیمچە هەوردا دەبێت و ئەگەری نمەباران هەیە.
دەشڵێت، پلەکانی گەرما لەناوجەکانی ناوەڕاست و هەرێم کەمێک نزم دەبنەوە و لەناوچەکانی باشوریش وەک تۆمارکراوەکانی پێشوو دەبێت.
ڕۆژی شەممە لەسەرتاسەری وڵاتدا ئاسمان ساماڵ دەبێت و هەندێک پەڵە هەوری پێوەدەبێ، بەڵام پلەکانی گەرما لە ناوجەکانی ناوەڕاست کەمێک بەرز دەبنەوە و لەناوچەکانی هەرێم و باشور نزیک لە تۆمارکراوەکانی ڕۆژی پێشتر دەبێت.
