یاریدەدەری پارێزگاری سنە لە ڕۆژهەڵاتی کوردستان ڕایگەیاند، شارێکی هاوبەشی پیشەسازی و بازرگانی لە نێوان ئێران و هەرێمی کوردستان دادەمەزرێنن.
نوری عەلى یاریدەدەری پارێزگاری سنە بۆ کاروباری هەماهەنگی ڕایگەیاند، لە سەردانە چاوەڕوانکراوەکەى سەرۆکی ئێران بۆ شارەکە مۆڵەتى پێویست بۆ پرۆژەکە دەردەچێت.
ئاماژەی بەوەشکردووە، ئەم شارە پیشەسازی و بازرگانییە هاوبەشەی نێوان ئێران و هەرێم لە ناو خاکی عێراقدا دروست دەکرێت.
هاوکات، قەبارەی ئاڵوگۆڕی بازرگانی لە ڕێگەی دەروازەی سنووری باشماخەوە لە نێوان ئێران و هەرێم لە ئێستادا ساڵانە حەوت ملیار دۆلاری تێپەڕاندووە و دەشتوانرێت بۆ ٢٠ ملیار دۆلار زیاد بکرێت.
