دۆناڵد ترامپ سەرۆکی پێشووی ئەمریکا دەڵێت، “تەنها سەرۆکی ئەمریکا بووم لەماوەی ٧٢ ساڵی ڕابردوودا هەرگیز جەنگم هەڵنەگیرساندووە، بەڵکو کۆتاییم پێ هێناوە.”
لەیەکێک لە کۆبونەوەکانی و ئامادەکاری بۆ هەڵبژاردنی داهاتووی سەرۆکایەتی ئەمریکا لە ویلایەتی ئایەوا، دۆناڵد ترامپ سەرۆکی پێشووی ئەمریکا ڕایگەیاند، بیربکەنەوە، کاتێک هیلاری کلینتۆن وەزیری پێشووی دەرەوەی ئەمریکا وتی، “ئێمە هۆکاری دروست بوونی جەنگین، جەنگ دروست دەکەین، تێبینی بکەن چۆن لەوبارەیەوە دەدوێت هۆکارین بۆ دروست بوونی جەنگ!”.
ئاماژەی بەوەشکرد، “من وتومە، نەخێر بۆلێدوانی لەوجۆرە و جەنگەکان ڕادەگرم، وتیشی، من تەنها سەرۆکی ئەمریکابووم لەماوەی ٧٢ ساڵی ڕابردووی مێژووی سەرۆکایەتی ئەمریکادا هیچ جەنگێکم هەڵنەگیرساندووە، بەڵکو کۆتاییمان بە جەنگەکان هێناوە.
باسی لەوەشکرد، ئەوان شەڕی داعشیان کردووە و توانیویانە لە هەریەکە لە وڵاتانی سوریا و عێراق بیانکەنە دەرەوە.
