بەهۆی پابەندنەبون بەمەرج و ڕێنماییەکانی کارکردن، لە سلێمانی فڕنەکانی (ڕەهێڵ، ڕاپەڕین ، بەفرین) لەگەڕەکی ڕاپەڕین داخران.
ئەمڕۆ شەممە، قائیمقامیەتی سلێمانی ڕایگەیاند، بەهۆی پابەندنەبوون بەمەرجەکانی تەندروستی و ڕێنماییەکانی دیکەی کارکردن لە شوێنەکانیاندا، لیژنە هاوبەشەکانی قائیمقامیەتی سلێمانی سێ فڕنی سەمونی بە ناوەکانی (ڕەهێڵ، ڕاپەڕین ، بەفرین) لە گەڕەکی ڕاپەڕین داخست.
بەپێی زانیارییەکانی قائیمقامیەتی سلێمانی، یەکێکی دیکە لەسەرپێچی هەر سێ فڕنەکە، کە راپۆرتی لیژنەکان ئاماژەیان بۆ کردووە ئەوەوە بووە لەکاتی سەردانی لیژنەکان دەرکەوتووە لە شوێنی هەویر شێلان و ئامادەکردنی سەمونەکان جگەرەی تیادا کێشراوە، لەگەڵ نەبوون و بەسەرچونی مۆڵەتی پیشەیی و تەندروستی تازە نەکردنەوەیان لەلایەن خاوەن کارەکانەوە.
