وتەبێژی ئاسایشی نیشتیمانی ئەمریکا ڕایگەیاند ئەو هێرشانەی لەلایەن سوپای ئەمریکاوە ئەنجام دەدەرێن لەپێناو بەرگری لەخۆکردن و خۆپاراستندایە.
لە لێدوانێکدا جۆن کێربی وتەبێژی ئاسایشی نیشتیمانی ئەمریکا بە کەناڵی ئەی بی سی ئەمریکی ڕاگەیاند، ئەو هێرشانەی لە سوریا ئەنجاممانداون دەچێتە جچوارچێوەی بەرگری لەخۆکردنەوە، چونکە هێزەکانمان کەتوونەتەبەر هێرش و زۆربری هێرشەکانیش مووشەکین و لەلایەن ئەو گروپانەوە ئەنجام دەدرێن کە سەر بە ئێرانن.
کێربی ئاماژەی بەوەشکرد، لەچوارچێوەی هێرشەکانیاندا چەندین جبەخانەی چەک و تەقەمەنییان بە ئامانج گرتووە و دەڵێت، ئەگەر ئەو هێرشانە دووبارە ببنەوە ئەوا بەوپەڕی تواناو هێزمانە ڕووبەڕوویان دەبینەوە و ئەوەی لەپێناو خۆپارێزیدا بتوانین ئەنجامی دەدەین و ئامادەین.
هاوکات، لوید ئۆستن وەزیری بەرگری ئەمریکا لەماوەی ڕابردوودا ڕایگەیاند، “فڕۆکەکانی ئەمریکا دوو شوێنیان لە سوریا بەئامانج گرتووە کە لەلایەن هێزەکانی سوپای پاسدارانی ئێران و هاوپەیمانەکانییەوە بەکارهاتوون.”
ئەوەشی خستەڕوو، “هێرشەکانی ئەمریکا هیچ پەیوەندییەکیان بە کێشە و شەڕی نێوان ئیسرائیل و فەلەستینەوە نییە.”
