بەهۆی پێکدادانی ئۆتۆمبێلێک و ماتۆڕسکیلێک لەناو شاری کەلار کەسێک برینداربوو.
بەڕێوەبەرایەتی هاتووچۆی گەرمیان لە ڕاگەیەنراوێكدا ئاماژەی بەوەكردووە، ئێوارەی ئەمڕۆ سێ شەممە، لە ترافیک لایتی نەخۆشخانەی شەهید شێرەی نەقیب بەهۆی پێکدادانی ئۆتۆمبێلێکی جۆری نیسان ئاڵتیما و ماتۆڕسکیلێک لێخوڕی ماتۆڕسکیلەکە برینداربوو.
ڕاشیگەیاندووە، بریندارەکە لەدایک بووی (١٩٧٠)ە، بەمەبەستی وەرگرتنی چارەسەر گەیەنرایە نەخۆشخانەی فریاکەوتنی شەهید هەژار و لێکۆڵینەوە لەڕووداوەکە بەردەوامە.
