بەڕێوەبەرایەتی ئاسایشیی هەولێر ڕایدەگەیەنێت، كە دەستیان بەسەر كۆگای خواردنگەیەكدا گرتووە، كە گۆشتی بەستووی قەدەغەكراوی بەكارهێناوە و كۆگاكەشیان داخستووە و خاوەنەكەشیان دەستگیر كردووە.
بەڕێوەبەرایەتی ئاسایشی هەولێر لە ڕاگەیەنراوێكدا ئاماژەی بە دەست بەسەردا گرتن و داخستنی کۆگایەکی خواردنگەیەک كردووە، کە گۆشتی بەستوی قەدەغەکراوی بەکاردەهێنا.
ڕاشیگەیاندووە، دوای وەرگرتنی ڕەزامەندی داوەری لێکۆڵینەوەی ئاسایشی هەولێر دەستمان گرت بەسەر کۆگایەکی گۆشتی بەستوی قەدەغەکراوی خواردنگەیەک و داخستنی خواردنگەکە و دەستگیر کردنی خاوەنەکەی بەناوی (أ ، ح ، و)، لەگەڕکی ٩٤ ی گوڵانی شاری هەولیر.
ڕوونیشی كردۆتەوە، بەشێوازێکی ناتەندروست و دوور لەڕێنمایەکان لەو خواردنگەیە خواردنیان ئامادە کردوە و گۆشتی قەدەغەکراوی بەستویان بەکارهێناوە.
