ئەمڕۆ شەممە، وەزارەتی تەندروستی فەلەستین تێکچوونی بارودۆخی تەندروستی لە کەرتی غەززە ڕاگەیاند و ئاشكراشی دەكات، ژمارەی قوربانیان لە ئەنجامی ئەو ڕووداوانە تا ئێستا گەیشتووەتە چوار هەزار و ٤٦٩ کەس.
وەزارەتی تەندروستی فەلەستین لە بەیاننامەیەكدا ڕایگەیاندووە، “نەخۆشخانەکانی کەرتی غەززە بەتەواوی سەرچاوەکانیان تەواو دەبێت بەهۆی نەبوونی سەرەتاییترین پێداویستی پزیشکی پێویست بە سووتەمەنیشەوە”.
تەندروستی فەلەستین داوای لە کۆمەڵگەی نێودەوڵەتی و میسر کرد، کە ڕێوشوێنی بەپەلە بگرنەبەر بۆ دابینکردنی سووتەمەنی و پێداویستییە تەندروستییە پێویستەکان پێش ئەوەی “ژمارەی قوربانییەکان لە نەخۆشخانەکاندا زیاد بکات”.
ڕوونیشیکردووەتەوە، “ژمارەی قوربانییەکان گەیشتووەتە چوار هەزار و 469 کەس، کە هەزار و 756 منداڵ و 967 ژن، جگە لە 13 هەزار و 561 بریندار لە 7ی ئۆکتۆبەرەوە” و ئاشكراشی كردووە، ژن و منداڵ و بەساڵاچووان 70%ی قوربانییەکان پێکدەهێنن.
ئاماژەی بەوەشکرد، “51 کارمەندی تەندروستی گیانیان لەدەستداوە و 87ی دیکەش بە پلەی جیاواز برینداربوون، لەگەڵ 7 نەخۆشخانە و 25 بنکەی تەندروستی بەهۆی بۆردومان و نەبوونی سووتەمەنی لە خزمەتگوزاری وەستاون.
جەختیشی كردۆتەوە، توانای نەخۆشەکان لە نەخۆشخانەکانی کەرتی غەززە 150%ی توانایان تێپەڕاندووە.
