ماوەی حەوت مانگە کارکردن لە پڕۆژەیەکی نیشتەجێبوون لە هەولێر پەکی کەوتووە و بەشداربوونی پڕۆژەکەش داوای پارەکانیان دەکەنەوە.
ماوەی حەوت مانگە کارکردن لە پڕۆەی کاپیتەڵ تاوەر ڕاگیراوە کە دەکەوێتە سەر ڕێگەی بەحرکەی شاری هەولێر، خاوەن عەقاراتەکان و هاووڵاتییان داوای پارەکانیان دەکەن.
یەکێك لە بەشداربووانی پڕۆژەکە بە “تۆڕی میدیایی خەڵك”ی ڕاگەیاند، پێویستە پڕۆژەکە تەواو بکرێت یاخود قەرەبوومان بکرێتەوە و پارەکە بگەڕێنێتەوە.
پڕۆژەی کاپیتەڵ تاوەر لە 590 یەکەی نیشتەجێبوون پێکهاتووە و 30 نهۆمە، لە 16ی 9ی 2021 مۆڵەتی کارکردنی پێدراوە و لە مانگی سێی ئەمساڵیش کارکردن تیایدا وەستاوە. بە وتەی کڕیارەکان خاوەنی پڕۆەژەکە هەڵاتووە و لەلایەن بەرپرسێکی باڵاوە داڵدەراوە.
