ئەڕۆ چوارشەممە، کارەکانی ٣٥ــەمین کۆنگرەی بەپەلەی کۆمکاری عەرەبی لە بەغدای پایتەختی عێراق دەربارەی بارودۆخی کەرتی غەززە دەستی پێکرد.
نوسینگەی ڕاگەیاندنی پەرلەمانی عێراق لە ڕاگەیەنراوێکدا ئاماژەی بەوەکردووە، کارەکانی ٣٥ـــەمین کۆنگرەی بەپەلەی کۆمکاری عەرەبی دەستی پێکردووە کە گفتوگۆی بارودۆخی کەرتی غەززە دەکەن.
ئااژەی بەوەشکردووە، کۆنگرەکە بەسەرۆکایەتی محەمەد حەلبوسی سەرۆکی پەرلەمانی عێراق بەڕێوەدەچێت و سەرۆکی پەرلەمانی وڵاتانی عەرەبی بەشداری تێدا دەکەن.
کۆبوونەوەی بەپەلەی کۆمکاری عەرەبی لەکاتێکدایە، شەڕ و ناکۆکییەکانی نێوان ئیسرائیل و بزوتنەوەی حەماسی فەلەستینی پێی ناوەتە ١٢ــــەمین ڕۆژەوە و شەوی رابردووش لە ئەنجامی بۆردومانی نەخۆشخانەیەک لە فەلەستین زیاتر لە ٥٠٠ کەس گایانایان لەدەستدا کە بەمەبەستی خۆپارێزی هانایان بۆ نەخۆشخانەکە بردوو کە زۆرینەیان ژن و مداڵن.
