دوای هەڵکشانی کورتهێنانی بودجە بۆ زیاتر لە نیو ترلیۆن لیرە، دراوی تورکیا گەورەترین داکشانی مێژوویی تۆمار کرد.
ئەمڕۆ چوارشەممە، دراوی تورکیا نزمترین ئاستی مێژوویی بەخۆوە بینی و بەهای 100 دۆلار گەیشتە دوو هەزار و 826 لیرە.
سەرباری خراپی دۆخی ئابووری و دارایی تورکیا، داتاکانی پەیوەست بە کورتهێنانی بودجەش هۆکاری سەرەکیین بۆ ئەو دابەزینە مێژووییەی لیرە..
بە پێی نوێترین ئامار خەرجییە گشتییەکانی تورکیا لە ماوەی نۆ مانگی سەرەتای ئەمساڵدا بۆ سی ترلیۆن و 952.6 ملیار لیرە بەرزبووەتەوە، لە کاتێکدا کە داهاتی وڵاتەکە سێ ترلیۆن و 440 ملیار لیرە بووە، بەوەش کورتهێنانی بودجەی گشتی تورکیا گەیشتووەتە 512.6 ملیار لیرە.
دابەزینی بەهای لیرە لە بەرامبەر یۆرۆش بەردەوامە و ئەمڕۆ 100 یۆرۆ بە دوو هەزار و 968 لیرەوە مامەڵەی پێوەدەکرێت.
