سەرۆکی حکومەتی هەرێمی کوردستان رایگەیاند، کوردستانێکی بەهێزتر پێویستی بە گەشەپێدانی زیاتری ئابوورییە.
مەسرور بارزانی له‌هه‌ژماری تایبه‌تی خۆی له تۆڕی كۆمه‌ڵایه‌تی (ئێكس) تویته‌ری پێشوو، نووسیوویه‌تی: دەزانین کە کوردستانێکی بەهێزتر پێویستی بە گەشەپێدانی زیاتری ئابوورییە، بە تایبەت:
– سیستەمێکی بانکیی هاوچەرخ
– پیشەسازیی نوێ
– کەمکردنەوەی رۆتین
هەروەها سەرۆکی حکومەتی هەرێم نووسیویەتی: ئەمڕۆ، ئەو رێگایانەمان تاووتوێکرد، کە بەو ئامانجانەمان دەگەیەنن.
ئەمڕۆ سێشەممە ١٧-١٠-٢٠٢٣، بە سەرپەرشتی مەسرور بارزانی سەرۆکی حکومەتی هەرێمی کوردستان و ئامادەبوونی قوباد تاڵەبانی جێگری سەرۆکی حکومەت، ئەنجوومەنی باڵای وەبەرهێنان کۆبووەوە.
