وتەبێژی حکومەتی ھەرێمی کوردستان لەبارەی سەردانی وەفدی ھەرێم بۆ بەغدا ڕایگەیاند، سەردانیکردنی شاندی ھەرێم بۆ بەغدا و کۆبوونەوەیان لەگەڵ لیژنەی دارایی ئەنجومەنی نوێنەرانی عێراق ئارەزوومەندانەیە، هاوکات نیشاندەری نیەتی جددی حکومەتی ھەرێمە بۆ چارەسەری ناکۆکییەکانی نێوان ھەولێر و بەغدا.
پێشەوا ھەورامانی، وتەبێژی حکومەتی ھەرێمی کوردستان ڕایگەیاند، سەردانیکردنی شاندی هەرێم بۆ بەغدا و کۆبوونەوەیان لەگەڵ لیژنەی دارایی ئەنجومەنی نوێنەرانی عێراق ئارەزوومەندانەیە، ئەمەش نیشانیدەدات حکومەتی ھەرێم نیەتی جددی بۆ چارەسەری کێشەکانی نێوان ھەولێر و بەغدا هەیە لەسەر پرسە داراییەکان.
ئاماژەی بەوەکرد، سەرۆک وەزیرانی ھەرێم، تیمی حکومەتی راسپاردووە تەنانەت یەک پرسیاری بێ وەڵامیش نەھێڵنەوە و زۆر شەفافانە ھاوکاربن.
وتەبێژی حکومەتی ھەرێمی کوردستان وتیشی، لە چوارچێوەی دەستوری عێراقی فیدراڵ حکومەتی ھەرێمی کوردستان، بە دوای چارەسەرێکی ڕیشەییەوەیە بۆ پاراستنی مافی ھاووڵاتیانی کوردستان.
