زیاتر لە 10 زەوی لە سنووری هەولێر تاپۆ کران و لە سبەینێوە خاوەن زەوییەکان دەتوانن بچن وێنەی تاپۆکانیان وەربگرنەوە.
ئەمڕۆ دووشەممە، وەزارەتی شارەوانی ڕایگەیاند، لە چوارچێوەی پرۆسەی تاپۆكردنی زەوییە كارتەكان لە سنووری سەرۆكایەتی شارەوانیی هەولێر و بەڕێوەبەرایەتیی گشتیی شارەوانییەكانی هەولێر، کارەکانی 10 هەزار و 242 كارتی دیکە لە هەولێر تەواوكران.
ڕوونیشیکردەوە کە وێنەی تۆمار (تاپۆ) بۆ زەوییەکان دەركراوە و لە سبەینێوە خاوەن زەوییەكان دەتوانن سەردانی فەرمانگە پەیوەندیدارەكانی شارەوانی بكەن بۆ وەرگرتنی وێنەی تۆماری زەوییەكانیان.
لە ڕاگەیەندراوەکەدا هاتووە کە پرۆسەی تاپۆكردنی زەوی كارت چەند ساڵێكە بەردەوامە و پێشتریش چەند هەزار پارچە زەویی دیكە وێنەی تۆماریان بۆ دەركراوە.
ڕوونیشیکردووە کە ژمارەی زەوییەکان بەم شێوەیەیە:
– (1600) كارت لە كانی قڕژاڵە.
– (220) كارت لە كەرتی 92ی شاوێس.
– (1800)كارت لە گڕەسۆری نوێ لەناو نەخشەی كەرتی باغمرەشەهاب.
– (590 ) كارت لە عرب كندی.
– (4332) كارت لە گوندی كۆری.
– (600) كارت لە قەرەچناغە لەناو نەخشەی كەرتی باغمرەشەهاب.
– (1100) كارت لە گەڕەكی قەڵاتی نوێ لە سنووری بنەسڵاوە.
