نوسینگەی سلێمانی بەرەنگاربوونەوەی تاوانە ڕێکخراوەکان بڵاویکردەوە، سێ کەسیان بەتۆمەتی بازرگانیکردن بە جەستەی مرۆڤ بەتایبەت( گورچیلە) دەستگیرکردووە، کە دوانیان ئەندامی باندێکی گەورەن،
نوسینگەکە بڵاویشیکردەوە، ئەمڕۆ (٢٠٢٣/١٠/١٥) لە چوارچێوەی بەدواداچون و لێکۆڵینەوەکانمان بۆ بەرەنگاربونەوەی بازرگانیکردن بە مرۆڤ، بەتایبەت بازرگانیکردن بە ئەندامی لەشی مرۆڤ (گورچیلە)، دوای وەرگرتنی بڕیاری بەڕێز دادوەری لێکۆڵینەوە و دیاریکردنی شوێنی تۆمەتباران، دەستە (مەفرەزە)ی تایبەتی نوسینگەکەمان توانیان تۆمەتبارانی داواکراو هەریەک لە (ب . ع .خ) بەڕەگەز (کورد) و (ز . م . ا) بەگەز (کورد) و (ع. ف. ح) بەڕەگەز (عەرەب) لە کاتی ئەنجامدانی تاوانەکەدا دەستگیربکەن، لە ئێستادا بە بڕیاری بەڕێز دادوەری لێکۆڵینەوە ڕاگیراون بەپێی مادەی (٥) لە یاسای بەرەنگاربونەوەی بازگانیکرد بە مرۆڤ ژمارە (٢٨)ی ساڵی (٢٠١٢)، گەڕان و لێکۆڵینەوە بەدوای تۆمەتبارانی تری ئەندام لەم باندە بەردەوامە.
بازرگانیکردن بە جەستەی مرۆڤەوە بەپێی یاسا لەهەرێمی کوردستان قەدەغەیە و هەوڵەکان بۆ نەهێشتنی ئەو دیارەدەیە یان ئەو جۆرە بازرگانییانە توندتر کراوە.
