هەرچەندە وەزارەتی خوێندنی باڵا و توێژینەوەی زانستی پرۆسەی دەستپێکی خوێندنی باڵای بۆ ماوەی ١٠ رۆژ دواخست، بەڵام زانکۆی سەڵاحەدین دەڵێت:”ئەوان پابەندی دواخستنەکە نابن و خوێندن لەکاتی خۆیدا دەستپێدەکەن.
ئەمڕۆ هەینی زانکۆی سەڵاحەدین لە راگەیەندراوێکدا بڵاویکردووەتەوە، رۆژی یەکشەممە ١٥-١٠-٢٠٢٣دەستپێکردنی خوێندنی باڵا بۆ ئاستەکانی دبلۆمی باڵا، ماستەر و دکتۆرا دەستپێدەکەن.
د.کامەران یونس سەرۆکی زانکۆی سەڵاحەدین رایگەیاندووە:” ئەوان هەموو رێکارەکانیان تەواوکردووە هیچ پێویست ناکات پرۆسەکە دوابخرێت، چونکە ئامادەکارییەکانیان تەواوکردووە و خشتەی وانەکانیان داناوە”.
بۆ ئەمساڵ زانکۆی سەڵاحەدین دوو هەزار خوێندکاری بۆ پرۆسەی خوێندنی باڵا بۆ ئاستەکانی دبلۆمی باڵا، ماستەر و دکتۆرا وەرگرتوە.
رۆژی ١٢-١٠-٢٠٢٣، وەزارەتی خوێندنی باڵا رایگەیاند، لەپێناو تەواوکردنی رێکارەکانی مامەڵەی خوێندکارانی خوێندنی باڵا بۆ ماوەی ١٠ پرۆسەکە دوادەخەن.
