جەنگی یەك هەفتەیی نێوان فەلەستین و ئیسڕائیل بۆتە هۆی كوژرانی زیاتر لە 3 هەزار كەس و برینداربوونی زیاتر لە 12 هەزار كەس.
وەزارەتی تەندروستی فەلەستین لە بەیاننامەیەكدا ئاماژەی بەوەكردووە، بەهۆی بۆردومانەكانی ئیسڕائیلەوە تا ئێستا 1799 كەس كوژراون و زیاتر لە 6388 كەس بریندار بوون لە غەززە، هاوكات لە كەناری ڕۆژئاوا 44 كەس كوژراون و 700 كەس بریندارن.
ڕاشیگەیاندووە، تا ئێستا نزیكەی 250 بریندار گەیەنراونەتە نەخۆشخانەكانی كەناری ڕۆژئاوا ئەوەش تەنها لەماوەی ئەمڕۆدا.
لیواکانی قەسامی باڵی سەربازی حەمماس ڕایگەیاندووە، لە کاردانەوە بە ئاوارەبوون و بەئامانجکردنی خەڵکی سڤیل بە ٥٠ مووشەک شارۆچکەی “سدێرۆت” بۆردومان دەکەن.
ئەمە لەكاتێكدایە، كە تەندروستی ئیسڕائیل بەیانی ئەمڕۆ بڵاویكردەوە، كە ژمارەی كوژراوەكانیان بەهۆی بۆردومانی حەمماسەوە گەیشتۆتە 1300 كەس و زیاتر لە 5 هەزار كەسیش بریندار بوون.
