كاردانەوەی شەڕی نێوان فەلەستین و ئیسڕائیل فراوانتر دەبێت و لە پەكین لەلایەن هاووڵاتییەكی ئەو وڵاتەوە بە چەقۆ پەلاماری دیبلۆماتكارێكی ئیسڕائیلی درا و بریندار كرا.
ڕۆژنامەی (یەدیع ئەحرەنۆت)ی ئیسرائیلی بڵاویکردەوە، کە دیپلۆماتکارێکی ئیسرائیلی لە پەکین-ی پایتەختی چین بەر چەقۆ دراوە.
ئاماژەی بەوەشکردووە، ئەمڕۆ هەینی، کارمەندێکی ئیسرائیلی لە باڵیۆزخانەکە لە پەکین، لە دەرەوەی ناوچەی باڵیۆزخانەکە بەر چەقۆ دراوە و ڕەوانەی نەخۆشخانە کراوە و باری تەندروستی جێگیرە.
ماوەی هەفتەیەكە جەنگی نێوان فەلەستین و ئیسڕائیل هەڵگیرساوە و چەندین ناوچەی ژێردەسەڵاتیان كاول و وێران بوون و هاوكات نزیكەی 4 هەزار كەس لەهەردوولا كوژراون و زیاتر لە 10 هەزار كەس بریندارن.
بۆ بینینی ڤیدیۆکە کلیک لێرە بکە
