یەکەم گروپی چەکداری لە عێراق ئامادەیی خۆیان نیشاندا بۆ ڕۆستن بەرەو فەڵەستین و شەڕکردن لە دژی ئیسرائیل.
ئەمڕۆ پێنج شەممە، گروپێکی چەکداری عێراقی بەناوی ( ئینتیفازەی شەعبانییەی پیرۆز) ئامادەیی خۆیان دەربڕی بۆ ناردنی چەکدارەکانیان بۆ فەڵەستین و شەڕکردن لەبەرامبەر سوپای ئیسرائیل.
گروپەکە لە ڕاگەیەندراوێکدا ئاماژەیان بەوەداوە، “لەپیناو سەرکەوتن بەسەر داگیرکەر و سوپای زایۆنیدا، ئێمە ئامادەین بچین بۆ غەززە و ڕووبەڕووی هێزی داگیرکەری ئیسرائیل ببینەوە”.
شایەنی باسە، ئەمە یەکەم گروپە لە عێراق بە ئاشکرا ئامادەیی خۆی نیشانبدات بۆ پاڵپستیکردن لە فەڵەستین، و چەکدارانی حەمماسی فەڵەستینی،
لە ٧ ئۆکتۆبەرەوە حەمماسی فەڵەستینی هێرشی کردە سەر ئیسرائیل و سەرۆکوەزیرانی ئیسرائیل بنیامین ناتانیاهۆ ڕایگەیاند، ئێمە لە شەرداین و دڵنیابن سەردەکەوین،
تا ئێستا شەڕو پێکدادان لە فەڵەستین بەردەوامە و هەزاران کەسیش لە هەردوولا کوژراون و برینداربوون، هاوکات سەدان هەزاری دیکە بێ ماڵ و حاڵ بوون.
