میدیای پارتی کرێکارانی کوردستان بڵاویکردەوە، ئەو کەسەی کە دوێنێ لە ناحیەی سەنگەسەر کوژرا، “کارمەندی میت” بووە و هەوڵی کوشتنی “وڵاتپارێز”ێکی داوە.
ئێوارەی چوارشەممە لە ناحیەی سەنگەسەر دوو کەس بە سواری ماتۆڕسکیلێکەوە تەقەیان لە هاووڵاتییەك کرد، لە ڕووداوەکەدا یەکێك لە تەقەکەرەکان کوژراوە و هاووڵاتییەکەش برینداربوو.
ماڵپەڕی ڕۆژنیوز سەر بە پارتی کرێکارانی کوردستان بڵاویکردەوە “تەقەکەرەکان بە فەرمی ئەندامی سیخوڕی میت بوون” و ناوی سینان دەمیرتورکە.
ڕوونیشیکردەوە کوژراوەکە لەساڵی ٢٠١٩ەوە لە شاری سلێمانی نیشتەجێیە و ئەوەی تریشیان هەڵهاتووە، ئەو هاووڵاتییەش کە بریندارکراوە و بە “وڵاتپارێز” ناویبردووە، بەمەبەستی چارەسەرکردن گوازراوەتەوە بۆ سلێمانی.
بەڵام تا ئێستا لایەنە پەیوەندیدارەکانی ئیدارەی ڕاپەڕین و پارێزگای سلێمانی هیچ ڕوونکردنەوەیەکیان لەوبارەیەوە بڵاونەکردووەتەوە.
