مانگی ڕابردوو (290) نەشتەرگەری لەنەخۆشخانەی فێركاری سلێمانی ئەنجامدراوە، کە (9) نەشتەرگەریان تایبەت بووە بەچاندنی گورچیلە.
بەپێی ئاماری بەڕێوبەرایەتی گشتی تەندروستی سلێمانی لەماوەی مانگی ڕابردوودا لەڕێكەوتی (1 بۆ 2023/9/30) لەنەخۆشخانەی نەشتەرگەری فێركاری لەشاری سلێمانی 2.889 نەخۆش سەردانیان كردووە و چارەسەری پێویستیان بۆ كراوە.
سامان شێخ لەتیف، وتەبێژی تەندروستی سلێمانی بۆ (خەڵك) ڕایگەیاند، مانگی ڕابردوو لەنەخۆشخانەی نەشتەرگەری فێركاری 290 نەشتەرگەری جۆراوجۆر ئەنجام دراوە، كە 9 نەشتەرگەری تایبەت بووە و 76 نەشتەرگەری سەروو گەورە و 34 نەشتەرگەری گەورە و 129 نەشتەرگەری مام ناوەند و 42 نەشتەرگەری بچووك بووە.
ئاشكراشی كرد، لەمانگی ڕابردوودا لەنەخۆشخانەی نەشتەرگەری فێركاری 67 پشكنینی سیتی سكان و 112 پشكنینی تیشك و 66 پشكنینی سۆنەر كراوە.
ڕوونیشی كردەوە، 89 چارەسەری سروشتی و 7.368 پشكنینی جۆراوجۆری تاقیگەیی ئەنجام دراوە.
