وەزارەتی بازرگانی و پیشەسازی ڕایگەیاند، دواین بڕی چەکی شایستەی دارایی جوتیاران گەیشتە هەرێمی کوردستان.
بەڕێوەبەری گشتی بازرگانی ڕایگەیاند، ” چەکی شایستەی داراییەکانی جوتیاران بۆ ساڵی ٢٠٢٣ گەیشتە هەرێمی کوردستان، کە بەم شێوازەیە سلێمانی حەفتاو حەوت ملیار و سێ سەد و حەفتا و چوار ملیون دینار، هەولێر بڕی پەنجاو یەک ملیار و سەد و هەشتا و شەش ملیون و شەش سەد و هەشتا و یەک هەزار دینار، دهۆک بڕی سی و هەشت ملیار و نۆسەد و شەست و سێ ملیون و پێنج سەدو نۆ هەزار دینار”.
لە ڕاگەیەندراوەکەدا هاتووە، پاش ئەوەی ڕێکارە کارگێڕی و داراییەکان تەواوبوون دەست بەدابەشکردنی چەکی بانکی دەکرێت لەڕێگای سایلۆکان بەپێی ڕۆژی ڕادەست کردنی گەنمی جوتیاران بە سایلۆکان، شایانی ئاماژە پێدانە کە ئەوبڕە پارەیە دوا بڕی پارەی جوتیارانە بۆ ساڵی ٢٠٢٣.
