وه‌زیری دارایی هه‌رێم رایگه‌یاند، خۆشحاڵه به‌و هه‌ماهه‌نگییه‌ی چه‌ند ساڵێكه له نێوان دیوانی چاودێری دارایی عێراق و هه‌رێم هه‌یە و ئاماده‌یی وه‌زاره‌ت و به‌ڕێوەبه‌رایه‌تییه‌كانی ده‌ربڕی بۆ وردبینی و به‌دواداچوونی داتاو زانیارییه‌كان له لایه‌ن تیمه هاوبه‌شه‌كانی هه‌ردوولا”. .
به‌گوێره‌ی راگه‌یه‌ندراوێكی وەزارەتی دارایی و ئابوری، ئه‌مڕۆ یه‌كشه‌ممه ٨ی تشرینی یه‌كه‌می٢٠٢٣، ئاوات جه‌ناب نووری وه‌زیری دارایی و ئابووری هه‌رێم پێشوازی كرد له شاندێكی هاوبه‌شی دیوانی چاودێری دارایی عێراق و هه‌رێمی كوردستان.
راگەیەندراوەکە ئاماژەی بەوەکردووە له کۆبوونەوەکەدا وه‌زیری دارایی خۆشحاڵی خۆی به‌و هه‌ماهه‌نگی و هاوكارییه ده‌ربڕی كه ماوه‌ی چه‌ند ساڵێكه له نێوان دیوانی چاودێری دارایی عێراق و هه‌رێمی كوردستان هه‌یه”.
هەروەها وه‌زیری دارایی هه‌رێم “ئاماده‌یی وه‌زاره‌ت و به‌ڕێوەبه‌رایه‌تییه‌كانی ده‌ربڕی بۆ وردبینی و به‌دواداچوونی داتاو زانیارییه‌كان له لایه‌ن تیمه هاوبه‌شه‌كانی هه‌ردوولا”.
له راگەیەندراوەکەدا وەزارەتی دارایی دەشڵێت:”ماوه‌ی چه‌ند ڕۆژێكه شاندێكی دیوانی چاودێری دارایی عێراق به‌مه‌به‌ستی جێبه‌جێكردنی دواین بڕیاری ئه‌نجومه‌نی وه‌زیرانی عێراق كه‌تایبه‌ته به‌وردبینی له ژماره‌و داتای مووچه‌خۆرانی هه‌رێمی كوردستان و بڕی مووچه‌كانیان له‌هه‌رێمی كوردستانن و دوای ته‌واوكردنی كاره‌كانیان ڕاپۆرتی خۆیان پێشكه‌ش به‌ئه‌نجومه‌نی وه‌زیرانی عێراق ده‌كه‌ن”.
