کەشناسی پێشبینی دەکات لە ناوەڕاستی ئەم هەفتەیەدا هەرێمی کوردستان بکەوێتە ژێر نزمە پاڵەپەستۆیەکی دەریا سوور و باران ببارێت.
ئەمڕۆ یەکشەممە بەشی پێشبینی لە وەزارەتی گواستنەوە و گەیاندنی هەرێمی کوردستان بڵاویکردەوە، ڕۆژى سێشەممە لەسەر ناوچەکەمان باران دەبارێت.
ڕوونیشیکردەوە کە کاریگەرى نزمە پاڵەپەستۆى دەریاى سوور درێژدەبێتەوە بۆ سەر ناوچەکەمان و باران لەسەر ناوچە شاخاوییەکان بەتایبەتیش ناوچە شاخاوییەکانى پارێزگاى دهۆک و هەولێر زیاتر دەبارێت.
ئەوەشی خستەڕوو کە پێشبینى دەکرێت هەندێك کات لە سەنتەرى پاڕێزگاکاندا نمە باران ببارێت و پلەکانى گەرما بە نزیکەى (3-5) پلەى سیلیزى نزم دەبێتەوە.
بەشی پێشبینی وەزارەتی گواستنەوە ڕاشیگەیاند، شەوی سێشممە، کاریگەرى نزمە پاڵە پەستۆکە کۆتایی دێت.
