بەڕێوەبەرایەتی کەشناسی هەرێم ڕایگەیاند، ئەمڕۆ و سبەی ئاسمان لەنێوان پەڵە هەور و نیمچە هەور دەبێت و پلەکانی گەرما بەراورد بە ڕۆژی ڕابردوو چەند پلەیەک بەرزدەبێتەوە.
ئەمڕۆ شەممە، بەڕێوەبەرایەتی کەشناسی و بومەلەرزەزانی هەرێم ڕاگەیەندراوێکی بڵاوکردەوە و تێیدا هاتووە، ئەمڕۆ لە گشت ناوچەکانی هەرێم ئاسمان لەنێوان پەڵە هەور و نیمچە هەوردا دەبێت و پلەکانی گەرما بەراورد بە دوێنێ هەینی چەند پلەیەک بەرزدەبێتەوە.
لە ڕاگەیەندراوەکەدا ئەوەشخراوەتەڕوو، سبەی یەکشەممە، ئاسمان نیمچە هەور دەبێت و دەگۆڕێت بۆ هەوری تەواو و پلەکانی گەرما بەراورد بە تۆمارکراوەکانی ئەمڕۆ بە جێگیری دەمێنێتەوە.
بەپێی کەشی پێشبینیکراو پلەکانی گەرما بەمجۆرە دەبن:
هەولێر : ٣٣ پلەی سیلیزی
سلێمانی : ٣٢ پلەی سیلیزی
دهۆک : ٣٢ پلەی سیلیزی
کەرکوک : ٣٥ پلەی سیلیزی
هەڵەبجە : ٣٤ پلەی سیلیزی
زاخۆ : ٣٢ پلەی سیلیزی
سۆران : ٣٠ پلەی سیلیزی
حاجی ئۆمەران : ٢٤ پلەی سیلیزی
گەرمیان : ٣٦ پلەی سیلیزی
