پۆلیسی هەولێر ئاشكرای دەكات، كە گەنجێك بە ئەكاونتێكی فەیسبووك خۆی وەك ژن ناساندووە و دەنگی خۆی كردووە بە ژن و فێڵی لە چەندین پیاو كردووە.
بەڕێوەبەرایەتیی پۆلیسی هەولێر بڵاوی کردەوە، کە دوو تۆمەتباریان دەستگیر کردووە، یەکێکیان ئەکاونتێکی بە ناوی “ئەڤین بێوەژن” لە فەیسبووک داناوە و خۆی کردووە بە ژن و دەنگیشی وەک ژن لێ کردووە و فێڵی لە چەندین پیاو کردووە و تۆمەتبارەکەی تریش هاوکاری بووە.
ئاشكراشی كردووە، ئەو تۆمەتبارە، ڤیدیۆ و وێنەی چەندین ئافرەتی لەلا بووە و بۆ پیاوەکانی ناردووە و پێی وتوون “ئەمە منم” لەبەرامبەردا کارتی موبایل و ئینتەرنێتی لێ وەرگرتوون و پاشان هەڕەشەشی لێ کردوون.
