ئەندامێکی كۆنگرەی پێنجەمی یەكێتی ڕایگەیاند، کۆنگرەکە ئەمڕۆش كۆتایی نایەت، بۆ پێنجەمین ڕۆژ درێژدەکرێتەوە.
موستەفا چاوڕەش، ئەندامی كۆنگرەی پێنجەمی یەكێتیی نیشتمانیی كوردستان لە لێدوانێكدا بۆ رۆژنامەنووسان ڕایگەیاند، گفتوگۆكردن لەسەر خاڵەكانی پەیڕەوی ناوخۆ ئاڕاستییەکی باشی وەرگرتووە و تا ئێستا بەردەوامی هەیە.
ئاماژەی بەوەکرد، “بەڵام زۆرێك لە خاڵەكانی پەیڕەو ماوە، ئەمڕۆ تەواو نابێت”.
رۆژی چوارشەممە ٢٧ی ئەیلول كۆنگرەی پێنجەمی یەكێتی بە ئامادەبوونی ٦٠٠ ئەندام دەستیپێكرد و تا ئێستا درێژەی هەیە.
