سەرۆکی لقی یەکێتی وەبەرهێنەرانی کوردستان لقی سلێمانی بروسکەیەکی پیرۆزبایی ئاڕاستەی بافڵ جەلال تاڵەبانی دەکات بەبۆنەی دووبارە هەڵبژاردنەوەی بە سەرۆکی یەکێتی و دەڵێت:” ئومێد دەکەم لە سایەتان، یەکێتی ببێتە ئاوێزەی تەبایی و هەوێنی ئاشتی و ئارامی و سەقامگیریی وڵاتمان”.
یاسین مەحمود، لە پەیامەکەیدا دەڵێت:”سڵاوی ئەمەک و وەفاداری یەرێز، جەنابی کاک بافڵ تاڵەبانی سەرۆکی یەکێتی نیشتمانی کوردستان، پیرۆزبایتان لێدەکەم بە بۆنەی سازدانی پێنجەمین کۆنگرەی حزبە تێکۆشەرەکەتان و هەڵبژاردنەوەتان بە سەرۆکی حزبی شەهیدان”.
سەرۆکی لقی یەکێتی وەبەرهێنەرانی کوردستان لقی سلێمانی دەشڵێت:”پڕ بە دڵ هیواخوازم لە سەروکاریکردن و ڕێبەریکردنی یەکێتێیەکەتاندا سەرفراز و سەرکەوتوو بن و خودای مەزن یاوەری هەموو کات و ساتێکتان بێت، ئومێد دەکەم لە سایەتان، یەکێتی ببێتە ئاوێزەی تەبایی و هەوێنی ئاشتی و ئارامی و سەقامگیریی وڵاتمان و بەهۆتانەوە ژیان گوڕێکی گەورەی بەرەو خێر و خۆشی و فەرحانی پێبدرێت و هێزێکی کاراو کاریگەر بن بۆ تاودانەوە بە بازاڕی سستی هەرێمەکەمان و گەشەدان بە جوانکردنی شار و شارۆچکەکانمان تا ببنە ناوێکی پرشنگدار و لە لاپەڕەکانی مێژوودا بەئەمەکەوە ناوتانبهێنرێت کە خەمخۆری قوت و ژیانی خەڵک و جوانی و ئاوەدانی و پارێزەری ئارامی و ئاسایشن”.
ئێوارەی ئەمڕۆ چوارشەممە، ٢٧-٩-٢٠٢٣، بەزۆرینەی دەنگی ئەندامانی کۆنگرەی پێنجەمی یەکێتی نیشتمانی کوردستان بافڵ جەلال تاڵەبانی دووبارە بە سەرۆکی یەکێتی هەڵبژێردرایەوە.
